Compagnia Teatrale Rapoceldone

L’(H)OSTÉRA
Commedia dialettale liberamente ispirata
alla "La Locandiera" di Carlo Goldoni.

“Notre fönne som la roba pö giösta che la bèla Madre Natüra la g’ha
mès al mond”
(da “La Locandiera”)

Sia i zùegn che i pö vèci i conós la stória de La Locandiera. Ai sò tèmp, quant Goldoni el scriia, l’era en italiano antico e pö culuràt de adès: alura, perchè mia riscrìer la comedia en dialèt bresà, al dé d’encö? Però l’è ‘na stória de 260 agn fa, en pó eciulòta, g’ha öl argot de nöf…
Isé, da le carose som pasàcc ai camion, Conti e Marchesi j-è deentàcc camionisti; le dò comiche le s’è trasfurmade en dò sciure stagiunade en serca de bèi òm; el cavaliér, ch’el dispresadur de le fonne, en rapresentànt de scue eletriche, ma sèmper antipatich, e la mitica Mirandolina en de ‘na semplice (h)ostéra nostranòta, tanto braa en cuzina, quanto dessedada a tègner en riga töcc i bisonti de la strada che sa ferma da lé a mangià e dòrmer, e co la frégola de conquistala. L’ünich a restà precis l’è el camerér, ennamuràt  alura come adès de la sò padruna e gelùs mars de chi ga se sfrigula aturen.
Ma d’el rest, s’al sa, endó sa ferma i camionisti sa mangia bé e gh’è sèmper ‘na bèla (h)ostéra de daga ‘n öciada e che forse… la pöl staga!!

Adattamento e regia di Severino Boschetti.